أريد ارسل سلام على جناح العصافير
للحبيبة الغالية الفراكها صار واقع مرير
شيفيد سمع الصوت وشتفيد التصاوير؟
يالباعدج عني الزمن لا لا أبد ميصير
بأسمج أصيح بصوت وأكبر تكابير
وأرسم على الحيطان وجهج بالطباشير
لا تعتبين اذا مسـألت ولا تكَولين تقصير
دموعي صارن مطر وجروحي صارن بير
لا تفسرين أسباب البعد وشتفيد التفاسير
أريد وجه بوجه نتلاكَة وآني أفهم بالتعابير
صحيح دكَيتي بية دكَة مثل دكَـ البسامير
وفرني الدهر وياج مثل فر النواعير
وبيوم حبي انشمر وانحط بالمجارير
بس لاني بطبعي حقود ولامن صفاتي حقير
وحاولت أبتعد عنج بس مالكَيت تبرير
وللهجر آني اليوم ما لكَيت تفسير
يالاميرة النائمة اتمنى اصيرنلج أمير
واغطيج بجفن عيني ومن رموشي افرشلج سرير
واليخونج ترا هذا بلا دم ولا ضمير
يالأصيلة لو مرج ظلام أنا اطكَـ الروح تنوير
يا دوا للمجروح ويا غنى للفقير
يا وردة بوسط بستان ومن عندج يفوح العبير
سمرة وخدودج حمر والشعر اسود حرير
يا شمس ومن تشرقين من نورج يفتح الضرير
يا ملكة للحب صرتي والناس بأمرج تسير
ومن صرت بمملكتج معارضة عيونج اخذوني أسير
من شنو الله خلقج لج كَوليلي المقادير
من عندج يغار الحلا وبيج الجمال يحير
بالكَلب خليت مكتب وانتي عينتج مدير
وما دخلت وحدة بعد وهاج أخذي الجرد ويا التقارير
من دمي ونبض الكَلب و مو بالدنانير
انا بحبج صارعندي رصيد وفتحت حساب توفير
ترا هذا الكَلب بوصلة وبس عليج يشير
تعالي رجعيلي العقل يالخليتي عقلي يطير
أرجوك يا رب العرش وانت على كلشي قدير
تجمعني آني وحبيبتي يا عالي يا جــبــيـــر
السبت أكتوبر 17, 2009 1:20 am